如果个天比多次机会我同我啊妈讲个三个字，我会讲：“唔好掉”

当我失去左佢地，我先知原来我啊妈帮我掉左几千蚊落街@@" 希望有收藏噶兄弟送翻1-2部我留念^^

其实挂住呢D迷你先锋都5系呢几年噶事，我记得以前我行开玩具铺都有留意仲有无呢样物体出售，而我老婆亦都由识我开始就话想帮我完梦送返套比我。

因为以前屋企D迷你先锋都系自己悭埋D早晨钱同搭车钱买（不过以前D玩具多数都系自己悭钱买噶啦-好似四驱车圣斗士咁），所以印象特别深刻。最记得应该系小学1-2年级噶时候兴噶，个阵坐车就2毫子，食个肉汤粉就1蚊学生包（呢个绝种已久噶包）就3毫。通常啊妈比一蚊我一日，咁我就食个斋粉行路翻去。如是者2-3日就可以悭1蚊就够我买1部迷你先锋。而呢部迷你先锋，我多数会系我行翻去特登经过噶镜新二街十字路口间士多（而家仲卖紧海马床垫隔离）买，因为日日行过都会及吓下次买边部呢^^。当时越买就越多，得闲就晒晒系张床度玩，就觉得自己有个汽车王国咁，好有成就感^^v。后来电视度就出迷你先锋城告白，睇左就念如果妈咪肯买埋个城比我我就乜都制啦><"。于是乎拥有一套迷你先锋同迷你先锋城就成为左我儿时其中一个不能实现噶梦想（当时都5知出左几多款车同城，就算E家有钱都无可能实现）。

直至后来，5记得系装修定咩，我翻到屋企发现我啊妈帮我处理左我D迷你先锋-梦想彻底幻灭（理由系大个仔唔好玩玩具啦）。晕~~~

然后到几年前学识上网，知道有淘宝呢样野，就心血来潮抄吓搵5搵得翻呢样野。一抄...吓一跳，#￥%@妈咪你啊，D人系咪傻噶卖成百蚊部就来贵过真车模型。一查先发现原来已经绝左版，又5怪得D人按水鱼噶><。之后又死心不息系各大搜索引擎搵呢D资料都系少之又少...终于系英文E-BAY搵到原来外国先卖2-3蚊欧罗计落抵过大陆，不过如果连运费咪又唉，加上自己英文又水水地又无国际银行账户。种种原因之下我都系决定暂时搁置我呢个搜刮计划，等我有朝一日发达环游世界先啦><。

所以E家只有籍借以下网上搜刮噶图片缅怀我噶儿时玩至爱-迷你先锋...